Çaste poetike me poeten:-Mimoza Panahori XHINDI

Perceptim

_______________________

Nëse dikush të sheh shtrembër

mos e merr për dobësi…

Ti s’je pasqyra e syve të huaj

As përgjegjës për shpirtin që nuk guxon të flas

Nuk je fajtore për heshtjen e tyre

As për zemrat që s’duan të hapen.

Ti nuk je drita që detyrimisht duhet të ngrohë

Ata/ ato që zgjedhin të mos qendrojnē në hije.

Rëndësi ka si e sheh ti veten,botēn përreth teje

Sesi e ndien atë nē mbrëmje kur mbyll sytë.

Kujdesu për gjithcka ,për energjinë tënde

Sepse vetja jote është thesari yt i fshehtë.

Ndryshimi nis aty,nga ty ..

Në mendjen tënde, në ndjesinë që zgjon.

Jo në fjalët që s’të kuptuan…

Por në zërin që vetes i dhuron.

QETËSIN

PAQEN PĒR VETEN

PËR JETË

/QendraPress/