Çaste poetike me poeten;-Mimoza ZYMERI

FUQIA E BUTËSISË

—————————————-

Te jesh grua, nuk është aq edhe e lehtë

Sot në këtë kohë

Kur bota kërkon të jesh perfekte

Kur peshat e shoqërisë të ngarkojnë pa fund

Duke harruar se pas çdo fytyre

Fshihet një shpirt, një mundim

Te jesh grua do të thotë të rritësh të tjerë

Me dashuri, me kujdes

Shpesh duke e harruar veten

Të luftosh me të drejtat që shpesh i mohohen

E megjithatë ti vazhdon

Të ngresh kokën, të mos dorëzohesh

Dhe kur bota të thotë se je e dobët

Ti tregon forcën që fshihet në butësinë tënde

Sepse çdo grua është një qiell

Që ndriçon në errësirë

Një diell që lind çdo mëngjes

Pavarësisht reve që kalojnë

Dhe kur ato t’i mbulojnë, ti nuk dorëzohesh

Sepse brenda teje

Ndodhet një burim i pafund shprese

Te jesh grua do të thotë të krijosh

Të ndërtosh një botë më të mirë

Për veten dhe të tjerët

Duke u përballur me sfida që s’kanë fund

Por duke mos e humbur kurrë

Besimin tek dashuria dhe e drejta

Dhe kur të gjithë të thonë që është e pamundur

Ti bëhesh shembulli që mundësitë janë pa fund

Sepse çdo grua ka një forcë të brendshme

Një shpirt të pashtershëm

Që nuk do të ndalet kurrë

/QendraPress/