Çaste poetike me poeten;-Miradie Zymberi AVDULLAHI

Ç’faj bëra unë?

—————————

Në sytë e tu të vegjël, botë e madhe s’ka,

Vetëm një pyetje e heshtur, pse kështu jeta shkon?

Një buzëqeshje e thyer, një shpirt i trembur,

Ç’faj bëra unë, që s’kam një vend ku të fle?

Një fëmijë pa emër, një zemër pa shtëpi,

Rrugët e ftohta shtrat, yjet dëshmitarë.

Duart e vogla shtrënguar, për një copë bukë,

Ç’faj bëra unë, që uria më copëton?

Në shirat e vjeshtës, pa një strehë mbi kokë,

Frika në sy, ankthi në gji.

Ëndrrat e thyera, lodrat e humbura,

Ç’faj bëra unë, që s’kam një dorë të më mbajë?

Nën qiellin e hapur, larg dhe pa dashuri,

Pa një prind, pa një përqafim.

Një shpirt i pafajshëm, i lënë në harresë,

Ç’faj bëra unë, që jetim jam?

O botë e madhe, dëgjo klithmën time,

Një fëmijë i vogël kërkon pak paqe.

Një fëmijë i pafajshëm, kërkon drejtësi,

Ç’faj bëra unë, që ndaj këtë fat?

Unë jam vetëm një fëmijë

^{/QendraPress/}