Çaste poetike me poeten:-Mirushe MUSA

Bilbilat e Shqipërisë sime

——————————–

Kur vijnë bilbilat nga Shqipëria,

Mirë ua njoh zërin e artë t’këndimit.

Këngët e tyre kanë ngjyra tjera,

që kanë pirë ujë të Bunës dhe Drinit.

Me flatratë e arta me ngjyra ylberi,

Kanë foletë në thepat të shkelzenit.

U njoh zërin e ëmbël si fyell i kohës,

Kanë pirë ujë të Erzenit dhe Vjosës .

Më kujtojnë rininë time mëngjesore,

Me këngë më zgjonin si akrepa ore.

Janë urë lidhëse kurbet – vendlindje,

Me këngë më sjellin një copë Shqipërie

/QendraPress/