Çaste poetike me poeten;-Nexha REÇICA

HIJE DASHURIE

——————–

Një hije dashurie

po më dridh

e unë si gjethe po bie

derisa ti po më ngrit.

Përpara hijes

mund ta zgjatësh dorën

në gojën e heshtjes

të përkryesh ëndërrën.

Cila hije mund të digjet

në udhën e trenit

ajo edhe pse hiqet zvarrë

pushtohet nga shpirti i ndjenjës.

Kur flas me yjet

i thyej të gjitha prangat

unë s’mund ta humb rrugën

se hija e zjarrtë më vie nga parajsa.

Koha nuk mund ta prek

lirinë e saj

sikur unë mos të jem nesër

hija e dashurisë do të flas.

/QendraPress/