Çaste poetike me poeten;-Rajmonda BRAHA

SHTEGTAR NË FOLENË TIME …

—————————————

E shtrydha mallin rrugëve të panjohura ..

E kapërdiva çdo ditë dhimbjen,

si të fundit gotë ..

Frymoj me shpresën e pashtershme ,

qê një ditë të gdhihem në atdhe …

Sa herë mendoj ,në shpirt më gulçon

dashuria për shtëpizën e vjetër …

Një ditar me vete ,histori e shtrenjtë e paprekur ..

Për malet e larta ku i qëndrojnë stoikë kohës

e hijerënde i shoh ,si në legjenda ..

Gurra me ujë të ftohtë ,

qe buron pa pushim …

Me atë ujë ujitëm jetën ,

e sot zhurmon zhgënjim ….

Gjallëria zbehur ndër vite …

nuk po njoh më vendin tim ,

As rrugicat s’me njohin ,mua …

Ato rrugica fort i dua …

Sa e rëndë qenka te jesh e huaj në shtëpi ..

Brezat kane kaluar ,s’të njeh më njeri ..

E shtegtar ngela përsëri ….

Çdo ditë kapërdij dhimbjen si të fundit gotë ..

Kur mendoj vendlindjen ,

nga sytë me rrjedhin lot…

Shtegtar në folenë time ..

Ngela dje dhe sot …

/QendraPress/