Çaste poetike me poeten;- Rajmonda Shyta KOLVANI

Të desha

——————–

Në ëndrra më rrije,

Vije vegimrrallë,

Të desha me shpirt

E zemër të dëlirë,

Betimet që i bëja

Nga dashuri e marrë,

U bëfshin hi

Nga kujtimet

Njëherë e mirë!

Ju vite dashurore,

Të kohës rinore,

S’i nuk ju harruaka

Ky shpirt i shkretë,

Më vini në ca çaste,

Me ngacmime mizore,

Mos më ardhshi më,

Më lini të qetë.

Shpirt im i gjorë

Mos kthe kokën andejza,

Plagë do hapësh

Do ndjesh dhimbje,

Ç’i dua kujtimet

Kur tronditin ëndërrzezat,

Dua të jetoj

Në paqe,

Shkofshi në gremisje!

/QendraPress/