Çaste poetike me poetin:-Rexhep F. MORINA

NËPËR KOHË

—————————

Lashtësia e hershme që në parahistori,

I shpërfaq shenjat e jetës të qenies njeri.

Mbas përmbytjes së territorit Atlantidë,

Flet në gjuhë të saj perëndesha Artemidë.

Flasin terrakotat për tokën pellazgjike,

Fiset dhe hapësirën me popullsinë epike.

Thonë shumë artefaktet e epokës së Ilirisë,

Për mbretër e fise të Epirit dhe Dardanisë.

Për Kaonët, Molosët, Lynkestët e Albanët,

Dalmatët,Taulantët, Enkelejt dhe Ardianët.

Mesjeta me errësirën dhe hordhi të barbarit,

I fshin me zjarr dhe hekur ata kufij të Arbrit.

Kurrë s’shuhet e vërteta për këto trojet e mia,

Deri ku shtrihen të tërat, e thotë vet historia.

Te Preveza e Mollakuqe, Manastiri dhe Tivari,

Shqipëri është dhe atje,ku flet shqip shqiptari.

/QendraPress/