Çaste poetike me poeten ;Rovena Shuteriqi

Më dehe dhe pikën e fundit të gjakut

——————————————-

Më dehe dhe pikën e fundit të gjakut.

Më bëre të të shoh si perëndi të adhuruar.

Në kupa, plot të mbushura, dashurie,

rrëkëlleja ndjenjat, që dridheshin

si degëzat nga flladi.

E ngopur nga lumturia që shpirtin pushtoi,

u ndera në krahët e tua si të dragoit,

mbështetur mbi gjoksin gufuar nga triumfi,

zemra, zemrën ftonte, në altarin e erosit.

Flisnin veç ndjenjat që u mpinë nga puthjet.

Puthjet e panumërta si gjuhët e një flake.

U dogjën nën zjarrin që vetripërtërihej.

Prushit i frynim tashmë, me buzët zjarrmi.