Çaste poetike me poeten;-Sanie Tushi RROKAJ

FLAS ME DETIN

—————————–

Puhizë e lehtë behari

Fllad i lehtë i vargëzuar

shkuma që me detin flet

sytë e valës valëshkruar .

Deti me ngjyrat e tij

me pranverën flet ngadalë

buzëqesh e ledhaton

pulëbardhat vijnë vërdallë .

Shkuma e tij më përpiu

nën retinën e syve të mi

ylberi ngjyrat përhapi

Dashuri që s’ka kufi .

Vashëza me sy të shkruar

dallgës seç i flet ngadalë

c’pate det që më rrëmbeve

më lage fustane e bardhë .

Valë e detit dashuri

Imazh i bukur pa fjalë

shpërthen furishëm nuk ndalet

thur ëndrra që kurrë s’ke parë .

Deti buzëqesh valën

si një trëndafil i bardhë

zogjtë me këngën e tyre

Dielli si margaritarë .

E ngjyej penën me ujin e detit

admiroj qytetin ku unë jetoj

disa vite në rininë time kaluar .

Kujtimet e bukura përmbi det kalojnë .

Shtegtoj me kujtimet e detit

në pasqyrën e syve të mi ngadalë

më shijon kafja buzë detit

përmbi rërë e përmbi zall.

/QendraPress/