Çaste poetike me poeten:-Selvete Dervishi NIMANI

Kur gjysma jote vdes

———————————-

Kur vdes një gjysmë brenda teje,

mbetet veç hije mbi një mur,

por prapë ti thua “Jam mirë”

me buzëqeshje pa nur.

I përshtatesh botës me maska të heshtura,

në një teatër ku askush s’dëgjon,

sepse jeta s’pyet për plagët e shpirtit

ajo ecën, edhe kur ti ndalon.

Udhëtojmë shkallëve të jetës ,

ku hapi s’është gjithmonë zgjedhje jonë.

Kohët rrjedhin me borë, me diell

por vetëm brenda nesh ndodh ndryshimi i madh.

Ku ta gjejm qetësinë e humbur,

në dallgë që s’ndalen kurrë ?

Dhe shpirti është si një det i trazuar,

Por një yll në qiell lartë më prin,

dhe shpresa zgjohet sërish brenda shpirtit tim.

E di kësaj bote i ndodhin çudira,

jo gjithmonë me arsye, as me dritë.

Por zgjohu, e krijo kuptimin tënd vetë,

sepse të jetosh kjo është mrekullia e fshehtë,pa frikë.

/QendraPress/