Çaste poetike me poeten;-Sherife ALLKO
Është jeta ime
________________________
E dua çdo grimcë jete.
E mbledh frymën e lëkurës sime në kupën e artë ,
si rreze drite të përhershme .
Askënd nuk lejoj të ma marrë
ëndrrën në lëvizje valësh hyjnore.
Është jeta ime,
në shtratin e fatit tim.
Jehona e lojrave tinëzare, parandjenjë mistike .
Kam ndjesi se
era e mesnatës është udhërrëfyesja ime në hapat e mi të jetës .
Mos u lodhni kot, ju kuçedra,
të gllabëroni mesnatave të qeta,
kur hëna fle për një çast dhe botën e mbulon tisi i zi .
Harrojeni t’i bëni keq trëndafilit të sapo çelur ,
ka gjemba të fortë idhnues që të shpojnë .
Dikush më mbron nga lartë .
Ai është kujdestari i jetës time ,
është Zoti im.
/QendraPress/
