Çaste poetike me poeten;- Shqipe BYTYÇI
18 e 36
Në St. Gallen, ajri asht 18 gradë
nji freski që t’rri si këmishë nate
e shpirtin s’ta ngrohë kurrë
Në Prishtinë, dyfishi 36
asfaltet digjen…
ajri e fjalët randojnë rand
si predhë e pazbrazun mbi kulm
Parlamentarët, s’koti n’sallë
Prishtevka e pazaret
si gjarpën i lodhun
rrëshqasin nën tokë
Nën dhé kanë pa shumë
por s’flasin kurrë
veç psherëtijnë
si n’proceset e Kafkës
ku s’ka gjyqtar as fajtor
Njerëzit vlojnë
thonë, gjithçka kalon
por ankthi s’matet me termometër
asht n’zemër t’njeriut
e t’këtij vendi
që, n’heshtje, digjen bashkë
Migjeni ndoshta, qeshë me dhimbje
“Dielli djeg njisoj
varfanjakun e deputetin që fle.”
Por sot, unë s’e besoj
18 a 36
numra janë
vapa shuhet, freskia tretet
asgja nuk asht e përhershme
as kjo gjendje, as kjo zemër
as n’freski, as n’vapë
as n’këtë tension që djegë gjithçka
Se zjarmija
o të vret, o kalon
Por jo, i ftohti që t’hyn n’palcë
St.Gallen, korrik 2025
