Çaste poetike me poeten:-Shyrete DEMAJ

Brenda ëndrrës.

——————————

Na ndajnë mijëra kilometra

na ndajnë ditë dhe netë të gjata

na ndajnë muaj tekanjozë

na ndajnë stinët krahëthata.

Na ndajnë male edhe fusha

dete oqeane po,na ndajnë

na ndajnë meridiane, paralele

veç dy zemra bashkë na mbajnë.

Na ndajnë të zezat thashetheme

na ndan smira e pabesë

na ndajnë botë të pakuptimta

por jo, s’mund të na ndajnë dot në kujtesë.

Na ndajnë lindjet,perëndimet

orët e lodhura ne na ndajnë

por se puthjet përqafimet

brenda ëndrrës bashkë na mbajnë.

/QendraPress/