Çaste poetike me poeten:-Shyrete DEMAJ

Unë jam e bukur.

—————————-

Po aq e bukur sa ç’mund të jetë

një grua e lumtur për çdo mëngjes

që zbardh,

jo nga dielli por nga një puthje

e ëmbël plot dashuri.

Unë jam e bukur,

Po aq sa ç’mund të jetë

një nënë me zemrën plot

e bekuar me përqafime e buzëqeshje fëmijësh.

Unë jam e bukur,

Po aq e bukur sa ç’mund të jetë

një gjyshe me flokë prej bore,

me bardhësi shpirti dhe parfum kujtimesh.

Unë jam e bukur,

sa ç’mund të jetë një poezi,

kur ditët më frymojnë dashuri.

/QendraPress/