Çaste poetike me poeten; Tixhe Rexha- GËRQARI

PËLLUMBIT TË LIRISË

————————————

Sot bulëzon pranvera

me dhembjen e kujtimin

për pëllumbat e lirisë.

Zorrët tua tani ngjiz janë

në kërthizën e atdheut

për të rilind rreze dielli

për Leotrimat që lindin në liri.

S’është kurrë shumë

të kujtojmë ty, Leotrim i Drenicës

me shumë Leotrima të Gjakovës

e mbarë Kosovës

Që ngjiz jeni në kërthizën e atdheut

Për të tregu se rilindeni

pranverave me aromën

e çmimit të madh të lirisë.

E lirinë e rishenjtoni

Në çdo festë çlirimi.

/www.QendraPress.com/