Çaste poetike me poeten; Trandafile MOLLA

FALEMINDERIT KOSOVĒ !

———————————————–

Gëzofsh ndër shekuj!

Kosovë, sot te ti është ditë e madhe

njëzet e pesë vjet çlirimin feston,

madhështore lartësohesh nëpër halle,

përpjekur mes flakësh në beteja qëndron.

Hapi i UÇK-së pa pushuar trumbeton,

për ty, bijën e Ajkunës arbërore

me trimëri armëngjeshur vigjëlon,

për nënën, trojet dhe tokën amëtare.

Qëndresa heroike të rrjedh prej fisit,

fisnikëria nga zemra qelibar të buron,

njohur për mikpritje nga koha e neolitit,

për miq derën hapur mban gjithmonë.

Gjergjin, birin tënd, mban në zemër

bashkë me Azemin e Shotë Galicën,

me Jasharët e bijtë që të dhanë emër,

Drini lëshon oshëtimë e mbulon Gjalicën.

Hapi i UÇK-së trumbeton fuqishëm lirinë,

thellë nëpër damarët e tokës vlagë,

zëri i dëshmorit thërret për drejtësinë,

shpagim për tokën e dashur, larë me gjak.

Hapi i UÇK-së trumbeton në tënden zemër,

syri i përlotur vigjëlon, nuk ka gjumë

në këmbë brofin, ruajnë shpresë e ëndërr

Dardanì, të mbrojnë ty nga çdo dhunë.

Të mbrojnë foshnjën e re, nusen e bukur

në trupin e fildishtë, ku shkìet bënë plagë

rrethuar je me zogj e bletë, lule e flutur

famuri kuq e zi zbukuron tëndin bajrak.

Trumbeton UÇK-ja, në këmbë është çue

çdo bir i yti mban një emër shqiptar,

se në jetë për ty njëherë janë betue,

jetën me dhanë për tokën janë krenarë.

Dardanì, prite urimin nga zemra e zjarrtë

nga thellësi e saj përvëluar me mall,

ta gëzosh ndër shekuj lirinë e artë,

amanet pavarësinë, lirinë, të shenjtën fjalë!

Trandafile Molla (Baja)

Durrës Shqipēri

/www.QendraPress.com/