Çaste poetike me poeten;Dafina Lira MUCKA

Shtëpinë !

——————————–

Shtëpinë se desha kurrë të madhe

As të jetë luksoze

Synimin kurrë se pata

Ta kem shtëpinë për sy bote

Shtëpinë e dua dhe të vogël fare

Si atë që pata qëmoti

Ulur në rrogos për toke

Por me dashuri si ato mote

Si ajo sofra që na mblidhte rreth e rreth

Në ato oda të vogla

Ku kishim harmoni e shpirtra të ngrohta

Ku dashuria na ngrohte më shumë se zjarri i ndezur ne fund ode

Se dua këtë kohë me shtëpi luksoze

Ku brenda s’jeton dashuria

Ku nuk hapet më dera , se u ndyhet shtëpia

Çdo mikpritje të bëhet në lokale tregtie

/www.QendraPress.com/