Çaste poetike me poeten;Flora TEMAJ

Çlirimtarët

———————————

Kemi ecur në netët pa hanë

Lumit mbi një tra

Shtegut zënë me ferra

Që çelnin pa ardhë pranvera

Atyre udhëve

Tradhti që u vinte era

Kemi ecur maleve

Që s’kemi shkelur kurrë

Por në çdo grackë që ramë

Asnjëherë s’jemi përkulë

Ishte etje që nuk na kalonte

Me gjakun e dëshmorëve

Kosova po lulëzonte

Por tani që jetojmë në liri

E gëzojm të shejtën pavarsi

T’i thërrasim bjeshkëve t’thepisura

T’i thërrasim maleve plot me lisa

T’i thërrasim tokës e qiellit

T’i thërrasim besës e nderit

S’ka më mirë si t’i thërrasim

veçse n’gjuhën shqipe

me to t’flasim e t’brohorasim

/ww.QendraPress.com/