Çaste poetike me poeten:Kimete Durmishi

HESHTJA

—————————————-

(Ripostim)

Ti që shfaqesh

dhe më del

më e fortë se unë

Shumë herë

dua të të mposht

E të të strukoj pas vetes sime

Por sa dua

ta ndryshoj botën

Ti më del para unit tim

Dhe më vesh

me petkun tënd

të heshtjes

prej të cilës

as nuk mund të flas

Deri kur unë dhe ti

në mospajtim

Heshtje mos më thuaj

që do të më mbulosh me flori

vetëm të të bindem ty

Heshtja është ar

thonë

Por zëri i brendshëm

jehon

dhe ulërimat e tij dalin

përtej vetes tënde.

Heshtja më mposht

dhe është më e fortë

se unë

K.D.