Çaste poetike me poeten:Kimete Osmani BEQIRI

Nuk e mohoj

———————————

Asnjëherë të vetme

Nuk e mohoj

Që më pëlqen

Të kujtoj e ri kujtoj.

Ndonëse vitet kalojnë

Begatohet padyshim nostalgjia

Hyjnë në botën magjike

Ndjenjat e mia.

Kur shikon thjeshtë

Një fotografi

Mund të flasësh pa u ndalur

Për çdo detaj, me përpikëri.

I bekuar na qoftë

Çdo moment që kalojmë

Pohojmë pa hezituar

Sikur në ëndërr, kjo jetë që jetojmë.

(IP)

&   &   &   &

Stinë përrallore

—————————

Me shumë dashuri

Me t’veçantën krenari

Stinë përrallore

Lumturia na shoqëron prore.

I gëzohemi jetës

K’naqësia e së vërtetës

Jo rrallë herë së bashku dorë për dore

Sa na mrekullon stina vjeshtore.

Jetën e ndryshon begatia

Zemrat tona i shoqëron mirësia

Buzëqeshja përherë gëzon primatin

Me shumë mbarësi e paçim fatin.

Ju që na shikoni, me shumë mirësi

Zemra juaj qoftë e bekuar, me shumë dashuri

Një nga një apo të bashkuar

Sukseset tona, mos paçi të ndalur duke i numëruar.

(IP)