Çaste poetike me poeten;Korça BIBJANA

Një ditë para largimit..

——————————-

Kjo ditë angështuese

po ikën mes erërash

si shami lamtumirash

Ajri mbushur

me gulshe malli

e lot dënese të miat nënës e babait

Zemra më dridhet

si ajo gjethja

në stinën e rënies,

e shpirti si hëna mes reve

rënkon largimin

Urrej aeroportet dhe portet

në lamtumira

Dhuratë gjithmonë

u lë një penelat dëshpërimi

/www.QendraPress.com/