Çaste poetike me poeten:Nexhi BAUSHI

Ti do vije

——————————

Ti do vije i dashur, ti do vije,

mbi një varkës do vozisje si një Odise.

Dhe unë Penelopa jote e përjetshme

lëmshin e pritjes do ta tretja në re.

Të prita pafundësisht, të prita si unë,

si ugari i çarë nga etja, pikat e shiut.

Netëve të thella rikrijova ca ëndrra,

ku rilind dhe mbytë veten njeriu.

Ti do vije i dashur, ndërsa dielli zhuriste,

dhe një copëz qielli do ma ktheje në shtrat.

Ku hiret e një vashe, ashtu nëpërgjumje,

përvëlohet etshëm nëpër natë.

Ti do vije i dashur, ti do vije,

dhe kur mendova se më prevë në besë.

Edhe kur celulari më, nuk cicërin,

ti do të vish i dashur, unë të pres!

/QendraPress/