Çaste poetike me poeten;Sadbere Gagica SPAHIJA

MURET PSHERËTIJNË

(Motrës)

————————–

Te shtëpia e vjetër nuk munda të hyj

U ndala në prag sa kisha mërzi

Ditë e natë qëndroj te dera

Ah Motër pa ty nuk del pranvera

Nuk ishte babi as nëna aty

Kur i shoh këto fotografi

Dita më duket vit e malli më mbyt

Bjer o shi ti bjer kujtimet m’i lë

E ti diell lotët mos m’i thaj

Edhe hijen tënde po të shihja

Do ta përqafoja pas teje të vija

Plagë e rëndë në zemër më rëndon

E ndjeva dhimbjen gjëmën që m’përvëlon

E futa në vargun tim

Nga mërgimi erdha me nxitim

Të putha ballin me vonesë

Kishe varur kokën në jastëkun shpresë

Ike si një zog ike apo je

Ende të kërkoj qiellit nëpër re

/www.QendraPress.com/