Çaste poetike me poeten;Shahe RAMA

Zana e Malit

—————————

Një popull i lashtë, me traditë miqësore

Dikur fort i njohur, në këngë e folklore

Seç i ndodhë së fundmi, askush nuk e di

Thonë se Zanë e Malit i ka bërë magji.

Nga magji e madhe e Zanës së Malit

Sofrat janë copëtuar, konakët harruar

Fushat po braktisen, bujqit katandisen

Hapërdahen fjalë, për diçka të rrallë.

Bukuri e Zanës, plisat ka frikësuar

Diku në sirtarë, mbase janë pakuar

Lahuta e vjetër, në muze qyteti

Trilogji krijoi, për trima gërbeti.

Mbase erë e re, botën ka kapluar

Edhe për të mirë, diçka ka ndryshuar

Për magjinë e Zanës, një plumb në malësi

Paska nis të shkrihet – pak me vështirësi.

/www.QendraPress.com/