Çaste poetike me poeten:Trandafile MALSHI

MERRE NË DORË JETËN TANE

Merre në dorë jetën tanë ,

Si brumin ngjishe në magjen e vjetër.

Rrahe pa nda, fort mbruje,

E bane kryevepër.

Mblidhi tana aromat e botës ,

Bukur mpleksi lulet si kunorë.

Jepi frymë nga e jotja,

Ksaj bote që ka kaq nevojë.

Merri tan buzëqeshjet ku janë,

Kolana vëni ndër buzë.

Si ngjyrat e bukra t’ylberit,

Të shndrisin dhe të bëhen muzë.

Merr fuqi të plotë nga zgjimet ,

Mëngjeseve kudo plot freski.

Të ushtojë thirrja e bukur e ditës,

Për një gjest të thjeshtë, paqe dhe dashuri.

Le të hapet për ty krejt qielli,

Derdhun në ata t’bukrit sy .

Në sfida të reja me kohën,

E gjitha bota ka emrin njeri.

/www.QendraPress.com/