Çaste poetike me poetin;-Gazmend BEQAJ

Dashuria digjet nga flakët e vet

—————————————–

Digji të gjitha fjalët

e vargjeve që shkrova për ty

të gjitha trohat

e kujtimeve që krijuam të dy

Digji të gjitha

gjurmët që i solli fati

digje atë dashuri

bëje shkrumb e hi

që vetëm hiri t’i di

mëkatet që fshihte zjarri

Digji e hirin mbylle nën dry

që kurrë më për ne të dy

të mos ndizet ai zjarr përsëri

/QendraPress/