Çaste poetike me poetin:-Hazir LUTA
ENGJËJT JETOJNË…
———————————–
Sa kodra duhet kaluar
Për ta takuar një engjëll
Shtatë, shtatëdhjetë a shtatëqind
Nuk e di në cilën kodër jeton
Por e di që engjëjt jetojnë
Pak ka rëndësi në cilin vend
A jetojnë në këngën e shiut
Apo në vallen e rrezeve të dritës
Ata na përkëdhelin shpirtin
Na ledhatojnë buzëqeshjen
Derisa prekemi nga largësia
Trupin na përshkon një si hije e ngrohtë
Engjëjt jetojnë
Nuk e di a në këtë botë
A në tjetrën botë…
/QendraPress/
