Çaste poetike me poetin; Idriz  BERISHA -XHIXHI

HARQET E DRITËS

————————————

Tri letra në sqep kanjushash

U nisën portës së Atdheut

U zhduken pas harkut të ylberit

Eh!

Shiu si lau

As dielli si thau!

Vdekja ka gjuhë djalli

Ajo merr dhe hijet me veti

Rrugëve të errëta t’metropoleve

Në kohë të keqe .

Kur kulla digjej,kur malli digjej!

Njeri tha:

Na mori malli për unat n’oxhak

Për tymin e varur qiejve

Për hijet e hënës plotë,

Për muret e muranat e Deçanit

E për fjalën besë të Gjilanit!

Kur kulla digjej

Dhe malli digjej!

Nën urën e gurit

Dielli lind dy herë

E ju vraponi lirinë për t’a zënë

Dhe përtej vdekjes.

Dashuri për të mbjellë

Në shtëpi prej akulli

Të përflakur nga brënda.

U lutem kësaj nate

Që stinët t’mos vdesin

Flakadanë të mbesin.

Mbi ballin tuaj hëna të ec

Të lulëzoj guri e druri

Mbi kulla t’valoj Flamuri

Agullimë mbi çati

Këta zogj të pyllit tim.

/wwww.QendraPress.com/