Çaste poetike me poetin;-Imer HYSA

LETRA DASHURIE TË ADOLESHENCËS

(Një mikeje që sja dërgova kurrë)

—————————————————–

Sa letra të kam nisur në zarfet e dëshirës

Letra shkruar me aritmi zemre

Kur i lexoja prush bëhesha fytyrës

Vallë a janë fjalët që pret një zemër femre?

Herë huazoja citate dashurie nga të tjerë

E herë vargje merrja nga poetë të shquar

I shkruaja dhe i lexoja vetë me dhjetëra herë

Se mos ndonjë fjalë ka për të lënduar.

I shkruaja fjalët, i fshija, s’më pëlqenin

S’më dukej se ishin fjalët që duhej

Nga turpi a frika se letrën më gjenin

Se grisja, flakën i vija, ashtu tē shkruar.

I zgjedhja fjalët të ishin si frutat

Të pjekura, të ëmbla, erëmirë

Të vinin te ty, si te lulja fluturat

Me shpresën se i prisje me dëshirë.

Eh sa letra mbusha me fjalë nga zemra

Dhe asnjërën s’arrita ta sillja në dorë

Ishin vite adoleshence kur nisnin ëndrrat

Ti shkruaje një vajze duhej jo thjeshtë letër e bojë.

/QendraPress/