Çaste poetike me poetin;-Jan A.KOSOVA

SHKRUAJ VARGJET E FUNDIT

——————————————–

“Është plakur poeti” ndoshta do të thonë një ditë

Kur vargu im i poezisë shumë gjatë është vonuar

Por nuk plaket malli për Dardani, Malësi e Mirditë

Ëndrra, vargjet e mia të fundit atje për t’i shkruar

Ndoshta do të thonë një ditë, “Poeti është plakur”

Është ligj i natyrës, një ditë ashtu edhe do të jetë

Por unë do të plakem atje ku mallin e kam flakur

Ku shkruaj vargjet e fundit për dashurinë e vërtetë

‘”Është plakur poeti” ndoshta një ditë do të thonë

E në zemrën time për plakjen ende nuk kam vend

Plakja ka për të më gjetur mua, herët apo më vonë

Duke përsëritur fjalët; “Të dua”, në përqafimin tënd

/QendraPress/