Çaste poetike me poetin;-Leonard PIPA

Malli për ty vjeshton mbi vetull

—————————————-

Po asnjë grimë prej tij s’jam plakur,

Shiun e lotëve e var në pjergull,

Vështrimin derdh si ujët e pakur.

Ku je pas ëndrrës? Je bërë flutur?

Me krahë të bardhë shtegtimi,

Unë jam këtu…si bukë e ndukur,

Si lumë më mbyti mallëngjimi…

Më dridhet buza për një fjalë,

Veç në ma thënç të bëhem lis,

Ky zjarr i çmendur më ka halë,

Copat e zemrës s’di ti ngjis!…

Por veç një çast fryu një erë,

Dera u hap me duf duhi,

Askund s’më shkoi mëndje e mjerë,

Shpirti ma deshi… të ishe ti.

/www.QendraPress.com/