Çaste poetike me poetin;-Luan MEMA

Midis liqenit dhe tokës

—————————–

Tërë natën fjeta me ty,

pranë liqenit, në troje shqipfolëse.

E fortë dhe e ëmbël,

midis gjumit,

midis zjarrit dhe ujit.

Me ty fjeta,

dhe në zgjim

goja jote më la në buzë

shijen e tokës së lagur,

valzen e ujit,

një errësirë algash

nga fundi yt.

Puthja jote,

e zgjuar bashkë me dritën,

erdhi tek unë

si frymë liqeni,

që na mban të rrethuar.

/QendraPress/