Çaste poetike me poetin:-Nexhbedin BASHA

U KTHEVA E TË PASH…!

——————————–

U ktheva e të pash…

Asgjë s’kish ndryshuar,

Ato parmakë, lule mbi banak,

Ato shishe vere mbi bodrum.

Më kish marrë malli për zhurmën,

Për diellin kur lind,

Për flladin e malit e rrezet pingul,

Si një i pafund.

I thellë të ndjej në shpirt,

U nisa për askund…

Por gjurmët e mia s’kishin ikur,

Në gur e shesh i vinte erë parfum.

Si një kujtim që s’shuhet,

Kthehem e hesht…

Më prisnin në heshtje,

Por zemra flet.

/QendraPress/