Çaste poetike me poetin:- Qazim THAÇI

 Lutja ime për nipin tim Dimalin

—————————————————

Isha lutur kurrë të mos ecësh rrugën që kam kaluar unë.

Sepse kam pasur një mal atdhedashuri, e një bjeshkë dhembje.

Kur Atdheun tim e helmonin,e librat ia digjnin në furra tullash.

Të kisha lutur atë rrugë ta rikujton, nëse të shkruar e gjen.

Shumë  isha lutur që orbitën e së ardhmes ta bësh maje malesh

Atje ku Zeusin mund ta kishe shok, e Akilit të ia shënosh thembrën.

Do të isha i lumtur në jetë nëse  fillon e qëndisë vargun si Dritëroi

E ta kishe guximin e ABES-ë,e porosinë e komandant Adem Jasharit.

Isha lutur që kurrë të mos e ecësh atë rrugë që kalova që ishe plotë gjemba

Por ta bësh zë veprën e çlirimtarëve edhe kur hienat gjini ndërrojnë.

Që në atdheun e Arbërisë të ketë një shqiponjë me fluturim pa pasaportë.

 Me fole në Pikëllimë e në Pashtrik e të pi ujë në Shkumbin e në Dri….

——————

Mos eja me ferkun e  natës

—————————————

Ti mos eja me ferkun e natës

Se je vete drita e diellit

Ti mos eja me ferkun e natës  se je vetë

Hëna rreze-plotë

Ti mos  eja me  ferkun e natës

Sepse  shpirti yt ka frymë dashurie

Ka ëndërr mirësie

Ti mos eja  me ferkun e natës  

Dhe nga unë merr gjithçka që e kam e që duash

Por  mos  e merr dashurinë e dhuruar

Të lutëm më lë peng  nga kjo jetë

Sepse  ti je  e madhe e ëmbël e bukur

Je vetë fryma e pemës nga jeta

Mos eja  me ferkun e natës

Se nata nuk ka besë /QendraPres