Çaste poetike me poetin;- Ragip GJOSHI
DALLGËZIM
————————-
Moti në dallgë, dhe shpirti i poezisë u lëkund,
Është dallgëzuar qielli, e deti i trazuar u tund
Dilemë për udhën e lundrës,a ka shteg kund?!
Erë e egër fryn pa mëshirë,është dallgëzuar
Në udhëkryq mbetem, mes dallgëve trazuar
Malet rrudhën, dallgët iu vërdallën mbi kokë
Dallgët këputën gjethet e lisave, ranë përtokë.
Dallgët përkëdhelin e ledhatojnë bregje lumi
N’dallgëzim shkumë e bardhë,lumi i pagjumi
Krahëhapur zogjtë e shqiponjave në flatrim.
Dallgë zemërdetërash përtej oqeani
Shekujt i ndanë me muzën e poetëve
Dallgë të trishtuara,n’vargjet zemërthyera.
Dallgë rrugëve të shpirtit të këngëve,
Dallgë, që shpirtin ua tund shkëmbinjëve,
Dallgë në politikë, merre-merre,lëmsh i ri
Janë përzier epokat,janë bërë lesh e li…
Në vendin tim qeni të zotin s’njeh,gjullurdi
Thonë,se politika është art,është filozofi
Poeti këmbngul se ajo kërkon mend, urtësi
Kërkon burra të motit,kërkon burra shteti!
Dallgë e furtunë godasin palcë të gurit
Pshërëtinë e dallgëzim mbi kurriz t’burrit,
Dallgë zemrake kanë shpërthyer në atdhe
Shkumë e valë rrahun bregun ku kemi le
Në tërbim, dallga herë sulmon,herë pushon
Shkëmbi heshtur, zemërplasur murmuron
Atdheu i gurët i rrënjosur përjetë e mot rron…
Një politikë pa dritë e pa shpresë-shpuzë
Politikë e bërë lëmsh,e bërë krejt tërkuzë
Ata që Parlamentit ia vunë tymin e flakën
Duke sharë çlirimtarët e gjuajtur me gurë…
Duan t’hynë në histori, duan veç rrëmujë
Si në rrugë e mitingje,kudo, britmë e rrokopujë
Premtime shumë e slogane të hedhura në erë
Me ëndrra të behën prijës,të bëhen liderë
Pse jo,shpejt të bëhen dhe miliarderë…
I mbushën barkat me shpresa të thyera
Në këtë copë toke me zemër të grryera
Dallgët,vetëtimë e murmurimë do treten
Kënga e historia rron, gjallë do të mbeten…
Nëpër dallgë, shpirti i poetit kërkon shteg
Lirikat si një det i trazuar nisen për në breg
Me ëndërra të bardha ,të pafund ,deri në agim
Derisa poeti ëndrrat i nxjerr në letër,në zgjim.
Dallgë,shkumë e bardhë përplasën mbi gurë
Në Fjalorin e lirisë do shpërlahen si në gurrë
Dallgët mbi vendin tim do të vijnë e shkojnë
Por,kujtimet dot s’treten,përgjithmonë rrojnë!
/QendraPress.com/
