Çaste poetike me poetin;-Ragip GJOSHI
LIRIKË PËR STINËT E LAVDISË
1.
Ishin do stinë t’dashuruarëve në guxim
Që digjeshin ndëre zjarre në shtegëtim
Për një dashuri të moçme t’atdheut tim.
T’dashuruar n’liri me uniformë ngjyrë mali
Në arën e të parëve po hidhnin fare me lavdi
Për t’u korrur më vonë nëpër vapë bereçeti
Ata qëndronin llërëpërveshur n’roje gjithënjë
Ata përqafuan male, fusha e gurra me krenari
Atje ku përfyteshin me terrin për dritë e liri
Atje ku hedhte valle guximi dritëronte trualli
Që një fjalë ngazëlluese t’zbritnin nga mali.
2.
E kur në kryeqytet erdhi një epokë e një stinë
Ditën e Shën Valentinit gënjyen demokracinë
Nga Kutia sekrete e zemrës së zgjedhësve polli
(Di)kush një këngë inatçore të përligjur e nxori
Ç’autorizim për kastën që epokën në qafë mori
Firmosur ,ga vota jote dhe vota ime, doli?!
Pastaj n’mjegull u mbulu qielli e dielli
Zogjëve n’fluturim ua ngriu flatrat moti
N’hije i derguan,i zbritën nga horizonti
Nëpër zyrat e diplomacisë bënte zagushi
Se atje nënshkruhej Moti i madh dhe fati…
3.
Edhe n’errësirë t’burgut mbrohet krenaria
Ku përfytet nata e dita -shpifja e drejtësia
Në gryka malesh pasi Ditë e re pati ardhë
Nën hije lisash dhe t’bjeshkëve plisbardhë
Atdheu pret për t’u kthyer zogjtë n’rradhë.
Ngjyrë dëbore iu ka ra agbërsve mbi flokë
Që tashmë kanë hyrë në librat e leximit tok
Bashkë meguximin për lirinë,tok me shokë!
Zëri i pagjumë thekshëm në gryka ka hy
Buzëqeshja e ndryrë presim për t’u rikthy
Për t’ia thënë një lirike për Ditët me lavdi
Përtej bjeshkëve po sosen terr, dry e vetmi
Gëzohet Atdheu,malet,lisat,i gjithë peizazhi
Krojet e shkëmbi plot liri,borojnë veç freski.
Drenicë, më 26 gusht 2025
/QendraPress/
