Çaste poetike me poetin;-Ramadan KOLUKAJ

PRANVERË NË ZHUR

—————————–

Marsi kishte revoltë,

Pranvera kishte guxim,

Kosova gjak e lotë,

Zhuri në kushtrim.

Atë ditë,

Krejt bashkë në shesh,

I madh e i vogël, burra e gra,

Krejt Zhuri kuq e zi

Në përballje me shka.

E para në beteja,

Në histori krenare.

Kjo tokë e fortë zhuriane,

Kjo tokë trimërore lumiane,

Kjo tokë e lashtë dardane.

I kuq, sheshi krejt i kuq,

Gjaku shuante etjen e tokës të plasur nga robëria…

Flamurit në krahëror ia ndezën ngjyrën

E hapin nuk e ndalën,

Me ballin kah LIRIA….

Me krejt lulet e pranverës ,

Me krejt dashnin e zemrës,

Sot i kujtojmë në liri-

Për dëshmorët e Zhurit

Përjetësisht LAVDI!

P.S. Në kujtim të 37 vjetorit të demonstratave të fuqishme në Zhur.

/QendraPress/