Çaste poetike me poetin:-Sabit RRUSTEMI
ËNDRRA QË S’PO MUND TA SHLYEJ MË
—————————————————-
Njëjtë si ditëve që i përcolla
si mbrëmë derisa më mashtroi gjumi
as edhe këtë mëngjes
prej mendjes nuk po mund të të heq
Humbur pas gjurmëve të Tua
të cilat s’i shoh kund
kam nisur e po flas përçart
Dhe vargjet që pikuan nga shpirti
me një të prekur gabim
për dreq humbën
shportave të padukshme të rruzullit
diku
s’di se si i kthej më
më sa Ty …
Po shpirtin tim do ta shtrydhë
pa fund do ta shtrydhë
për një fjalë
një varg
a
vetëm
një
zë
Atë baladë të (n)djeshme
do ta rikrijoj
njëjtë siç e krijova dhe ëndrrën për Ty
e s’po mund ta shlyej më …
( 11 dhjetor 2015 – 11 dhjetor 2025 )
