Çaste poetike me poetin:-Sahit F. OSMANI

KONTRAST DASHURIE

————————————

Më mungon në ëndërr e në zhgjëndër

Gjithçka është shembur, gjithçka.

Ia besova këngën, atë zë të shpirtit

Qetësisht e qartësisht kërkoi t’i kapërcej të gjitha pengesat.

E shoh, më është tkurrë guximi

Përtej dashurisë shtigjet më qëndrojnë të hapura

Deri në pafundësi

Për ta çliruar shpirtin nga të gjitha dhimbjet

Nga të gjitha pikëllimet…

Zemra e cfilitur nuk e pranon dorëzimin

Dhimbjet jashtënjerëzore kërkojnë të hyjnë brenda

Hap perden e mendimit dhe brrof në këmbë

Për tua mbyllë të gjitha tunelet sekrete.

Ushtritë më sekrete janë ato, që sulmojnë zemrën

Para se ta vrasin mendjen e qenësisë njerëzore,

Por do ta kaloj këtë pandemi kolere

Se në fund të të gjitha tuneleve të kështjellës sime

Ma bën me sy dashuria si një nimfë e pavdekshme.

/QendraPress/