Çaste poetike me poetin;-Sahit F. OSMANI
TË VËRTETËN ME GËNJESHTRËN E SHKRIJNË
—————————————————————-
Të vërtetën me gënjeshtrën e shkrijnë ta njëjtësojnë me të
Thikën e lyejnë me mjaltë t’ia presin gurmazin e zogut
Akrepat e orës i ngrijnë me aritmetikë të gabuar ,
Koha mos të rrjedhë lirshën, le të vonohet.
Nerv i tendosur padrejtësia kush s’ia do pushtetin
Zemër e butë drejtësia se matet me dashuri.
Trurin e urtisë ia shqyen me kthetra skifteri diktatura
Rrezatimin ia mbulon me mjegull të hirtë të lakmisë.
Mjafton shkëlqimi i stërpikur me ngjyra të ndezura
Derisa të heshtin dhe të pranojnë pushtetin e marrëzisë
Me mendësi të degdisur tatëpjetës që nga lartësitë…!
