Çaste poetike me poetin;-Sahit OSMANI

JU TË PAVDEKSHMIT

———————————–

Në Kosovën tonë ,edhe

vdekja bëhet e pavdekshme!

Marr penën të shkruaj

ajo nis të pikojë gjak

kujtojmë emrat tuaj,

ata shpërthejnë rreze drite,

çelin lule pranverore…

Asnjë rrugë, as një shesh ,

s’u pagëzua me emrin tuaj,

ka zënë myk ndërgjegjja,

apo mjegulla e harresës i ka përmbytur.

Por ,ju jeni në zemrat tona

në liri jeni shndërruar…

Kur bie nata vezulloni si yje

Tokës Nënë i jepni shkëlqim diellor

Në çdo cep të atdheut sinjale çoni!

Ne sot ,me krenari përkulemi mbi varret tuaj,

 me respekte, nderime e mirënjohje

Për Ju të pavdekshmit,

që për liri u dogjët si meteorë!

/QendraPress/