Çaste poetike me poetin;-Setki Q, JASHARI

Jeta ime je ti, dashuri…

—————————————

O Zot! E dua shumë, pa masë jetën

Me gjithë prapsitë dhe të mirat e saj

Por për ty, Izë, të t’rrëfej të vërtetën

Dashuria ime, ma kurrë s’ka skaj…

Më lumturon gjithmonë mëngjezi…

Më lumturon shumë, lindja e diellit

Sa më shijon çaji, djathi, pekmezi…

Por më shumë, puthja jote pran zallit

Dielli babaxhan, në zenit më ngjitet

I kalëruar, fushat dhe bjeshkë gjesdis

Lumturohem, kur ti dehesh nga lulet

Por heshtja jote… o Zot, sa më besdis

Plot mister është jeta, lufton njerëzia

Shum’ probleme dhe halle ka mileti

Përleshen çdo ditë, e mira dhe marzia

Por mua Iz, mendja tek ty më mbeti

Pa vjen mbrëmja, gjithmonë e trishtë

Mbase vjen nga mali, nga fusha, lumi

Në shtrat të gjej, trupin tënd të brishtë

I dehur nga dashuria, t’më zërë gjumi

Gjithmon me shpresë, lodhi fantazinë

Thuri pa fund ëndra, pran teje si të vi

Jam në gjygj unë, edhe me perëndinë

Pse them gjithmonë, se jeta ime je ti…

Vargje do të shkruaj, deri sa të vdesë

Do të shkruaj me shpirt, për gjithësinë

E di mirë se njerëzia, ka më pak besë..,

Por unë kurr, s’do të braktis dashurinë

/QendraPress/