Çaste poetike me poetin;-Tahir MUSAJ

KOSOVË TI JE HIMNI I PËRJETËSISË

————————————————

17 Shkurti Festë madhështore është dita e jonë

Sot shqiptaret në mbarë botën kudo po festojnë

Trimat tanë jetën e dhanë nuk kursyen për liri.

Për të shtrenjtën dhe për më të bukuren Dardani.

Gjaku i tyre është liria jonë që sot na ka ardhur

Kudo tash frymon jetë lirie në Kosovën heroike

Paqja kudo po jehonë në tokën e veshur kuqezi

Pavarësinë e plotë ta shijojmë në Kosovë tonë të lirë.

Kosovë unë dua që simboli yt të valon lartë në qiell

Lirshëm në ajër të frymoj dhe të shndrit si një yll

Dua që në dritën e yjeve të të shohë me mallin tim

Ti je himni i përjetësisë si dhe epopeja e shqiptarisë.

Kosovë ti tashmë je toka ime shqiptare e shenjët

Sa shumë mall ndjej për ty Kosovë se je Nëna jonë

Për flamurin tonë kuqezi me Shqiponjë dy krenare

Dua të të prekë e nuk ngopem për ty unë kurrë.

Sot erdhi kjo e bekuara e e shtrenjta liria jonë

Në mesë valleve e lotëve e shenjta pavarësinë festojmë

Tash valon i lirë flamuri im me shqiponjën kuqezi

Ta festojmë me gëzim e hare ditën e pavarësisë Dardani.

/QendraPress/