Çaste poetike me poetin;Gëzim AJGERAJ

MALLKIM I KEQ

——————————-

Nëpër rropamën e djepit ia kishin kënduar këngën

bile në uratë ia kishin vizatuar edhe udhët e jetës

dhe rrezen e diellit që nuk do ta kapte kurrë

i tërë fisi po e shpërndante jehun e këngës

derë më derë i hapën portën kobit të saj

e madhe ishte ajo ëndërr plot shpresë

midis ninullës ia kishin fshehur kuptimin dhe fatkeqësinë

e së ardhmes së saj të kobshme

dikur misteri i saj e trazoi tërë fisin

e çoi peshë e i dha arratinë dhe udhët

kush kah mundi e gjeti veten

tani më, urata e saj i ka mbyllur portat e fisit

e dikush mallkon çdo ditë mbi jehun e saj

“Ti mu rritsh bir për kurbet”

/QendraPress/