Çaste poetike me poetin;Nexhat REXHA

NË QETËSI

—————————

Nata vjen ngadalë me yjet

ne mes dritës dhe hënës

frikshëm torturon fluturimin nga erërat

ne boten e akullt

për dashurinë ne ardhje

Atje ku vonimi kapërdinë ajrin

si vesa para lindjes diellore

kur shkrinë freskinë për aromën mëngjesore

në sytë e ngazëllyer

puthen faqet e sythave te luleve pritje

Koha lëvizë ne kërkim per fjalët e shkruara

te Arnold von Harffit

për bredhjet buzëdetit

e faunën virgjërash

aty ku udhëtarët pushtojnë bujtinën udhëkryq

Notesi ruan kujtesën e kriposur

përtej dallgëve trazim në ndjekje piratesh

Ai kujdesshëm shpalose pamje muranash

ne misteret e gurëzuar pa emërtime brezash

dhe ruan lëngatat n’sofistikim arkivash

Heshtjet ne qetësi bluajnë

numëroret e frazat ne fletët pikturë

me akuarelin e dashurisë për vringëllimat në fushëbetejat e Krujës

për t’i dhënë zemrës festën pavdekësi

/www.QendraPress.com/