Çaste poetike me poetin:Xhemkadri KASTRATI

MOS LOZ ME MUA

————————

Shoh se çdo ditë e ndërron mendimin

Herë bëhesh se më donë e herë thua ik

Ngatërrohem dhe s’ia nxjerr kuptimin

Ta them atë që dua vërtet e kam frikë!

Me mua bën lojëra, je gogja e zgjuar

Unë të besoj, shpesh dhe ta bëj qefin

Kështu dhe mendjen ma ke turbulluar

S’kam njeri t’ia shpalos tërë mllefin.

Mos vazhdo të lutem, me lojëra ndalo

Çka ke në zemër, pse ate s’ma thua

Që ta letosh shpirtin, me to mos jeto

Nuk hidhërohem, me ty jam mësuar!

Shoh se heziton ti, akoma n’dy mendje

Përcaktohu të lutem, merre një vendim

Mendo atë kohë kur pas më ngarendje

Ti je, më thoje shpesh, “shpëtimtari im”!

Mos i kthe shpinën engjëllit të shpresës

Shoh që po e bën por do të pendohesh

Mua më thua, hei, ti ke kohë të presësh

E ty t’pret tjetri, kujdes t’mos vonohesh!

Rregullisht m’ke thënë ti je shpëtimtari

Çka unë s’të ofrova që dashtë një tjetër

Shko të lutem shko, shko ke gënjeshtari

Por shpejt do jesh veç një leckë e vjetër!

/www.QendraPress.com/