Çaste poetike në fillim jave me poetin:Kujtim HAJDARI

HAPNI DYER E DRITARE

————————————

Në heshtjen e verbër të natës, kur lindin,

Ëndrrat marrin fluturim dhe ndezin dhe qiellin,

Me flakën si pishtarë na çojnë drejt të fshehtave,

Edhe pse shumë zbehen – na lënë ngrohtësinë e ëmbël.

Ndodh të ëndërrojmë shpesh nën yjet e ndezur,

Të ndjekim jetën në sfilatën e saj mahnitëse,

Në kopshtin e shpresës të larë nga hëna e argjend,

Të fluturojnë hapat drejt një të ardhme plot dritë.

Ëndrrat janë si fara në kopshtin e mendimit,

Që zënë rrënjë thellë e rrezatojnë dëshira pafund,

Mos qajmë pse koha i përfshin ca me ciklonet e harresës,

Ato prapë, si yjet kur digjen, lënë dritën e vetëflijimit.

Lënë dritën për ne, të gjejmë shtegun përmes errësirës,

Kur lëkundemi e humbasim në detin e trazuar të mendimeve,

Të shijojmë aromën e polenit ku xukat e dehet bleta punëtore,

Të mrekullohemi nga ngjyra e petaleve ku fle dhe rrezja e diellit.

Pra, vazhdoni të ëndërroni dhe lërini të fluturojnë drejt qiellit

Për ëndrrat, miqtë e mi, hapni dyer e dritare,

Edhe pse jo të gjitha ëndrrat s’do ta gëzojnë pranverën,

Do t’na hapin semaforët dhe në kohë të vështirë.

/QendraPress/