E diela e 7 poezive dhe 7 poeteve: Remzie Raci Rexhbogaj

TEK BREGU I DETIT

—————————

Ne breg të detit

Sot me kaloj dita

Pa i numërua orët

Aty Erna të prisja

E pulëbardhat i vështroja

Mbi dallgët e detit

Silleshin vërdallë

Njërën nga to e veçoja

Më ngjante në shpirtin tënd të bardhë

Një rrebesh shiu që vërshoj

Nga qepallat e syve të mi

Ma lehtësoj apo rëndoj

Këtë trishtim të shpirtit tim

Unë këtë gjë s`po mund ta di

Pse nuk sheh mirë

Moj dritë e syve të mi

Ndoshta lotët të kanë vërbu

Lot e dhembjes dhe lot të mallit

Pa ndërpre rrjedhin si krua

Porsi Gurra e Bjeshkëve të Numuna

Ernen time duke e kërku.

Remzie Raci Rexhbogaj