E diela e 7 poezive dhe 7 poeteve:Rajmonda Shyta KOLOVANI

Shi, sot shi na do shpirti.

————————————

Të mirnim çadrat harruam,

Xhaketën e vesha për fresk,

Një varkë vështronim, lodruar,

Një rrjetë, po hidhej për peshk.

Dhe ditën tonë kujtuam,

Kur rrjetën ja hodha asaj,

Si dikur me mall përqafuar,

Shtrënguar pas vetes e mbaj.

Shirat e vjeshtës pikëluan,

Dhe befas, rrodhën rrëke,

Të dy nëpër shi vrapuam,

Dikush, seç qeshi me ne.

Ja hodha mbi supe xhaketën,

Të qullur qeshnim me zë,

Në trup e ndjenim të nxehtën,

Mes shiut, e putha atë.

Një benx, kaloi nxituar,

Spërkatur na qulli , dhe më,

E kapa prapë vashën nga duart

Vrapuam, prapë qeshnim me zë.

Gjithë retë, u grisën prej qiellit,

Harbuar, prej dore e mbaj,

Një reze e shndritshme nga djelli,

Rrëshqet, si shikimi i saj.

Gjithshka merr frymë lirisht,

Dhe qielli kthjellohet, si qelq,

Të qullur përqafohemi sërish,

Veç shi, shi sot shpirti na desh…